बिहीबार नेकपा समाजवादी पार्टीका अध्यक्ष डा भट्टराईले माओवादी केन्द्रका अध्यक्ष दाहाल र अर्का नेता नारायणकाजी श्रेष्ठसँग भेट गरेका छन् ।
हात्तीवनस्थित एक घरमा भएको तीन नेताबीच भेटमा भट्टराईले आगामी निर्वाचनमा तालमेल गर्ने प्रस्ताव राखेको भट्टराई निकट स्रोतले बताएका छन् ।बिहीबार बिहान सवा ९ बजेदेखि सवा १० बजेसम्मको भेटमा तीन नेताबीच चुनावी तालमेलका र पार्टी एकताबारे छलफल भएको उनको भनाइ छ । डा. भट्टराईले औपचारिकरुपमा आफ्नो नेतृत्वमा पार्टी गठन गरेपछि राजनीतिक भेटवार्ता अघि बढाएका हुन् ।
