पुर्वप्रधानमन्त्री समेत रहेका प्रचण्ड पाँचदिने जापान भ्रमणपछि नेपाल फर्किएका हुन् ।प्रचण्ड नेपाली जनप्रगतिशील मञ्च जापानको निमन्त्रणामा शुक्रबार राति जापान गएका थिए । प्रचण्ड त्यहाँ विभिन्न कार्यक्रममा सहभागी भएका थिए ।
प्रचण्डले शनिबार जापानको फुकुओकामा नेपाल फेस्टिभलको समुद्घाटन समेत गरेका थिए भने आइतबार हिरोसिमाको पनि भ्रमण गरेका थिए ।प्रचण्डलाई त्रिभुवन अन्तर्राष्ट्रिय विमानस्थलमा नेता नारायणकाजी श्रेष्ठ, अर्थमन्त्री जनार्दन शर्मा लगायतले स्वागत गरेका थिए ।
