आयोगका पदाधिकारीले एकै चरणमा निर्वाचन गर्ने गरी मंसिर २ गतेको प्रस्ताव अघि सारेको प्रमुख निर्वाचन आयुक्त दिनेश थपलियाले बताए । कम्तिमा १ सय २० दिन निर्वाचन तयारीको अवधि हुने गरी आयोगले निर्वाचनको मिति प्रस्ताव गरेको हो ।
छलफलमा प्रधानमन्त्री शेरबहादुर देउवासहित गृहमन्त्री बालकृष्ण खाण, सञ्चारमन्त्री ज्ञानेन्द्र कार्की, कानुनमन्त्री गोविन्द बन्दी, मुख्यसचिव शंकरदास बैरागी लगायत सहभागी थिए ।
आयोगले प्रस्ताव गरेको मितिमा निर्वाचन घोषणा गर्नेबारेमा प्रधानमन्त्री देउवाले सत्ता गठबन्धन दलहरुसँग छलफल गर्ने भएका छन् । आयोगले निर्वाचनको तयारी स्वरुप देशैभर मतदाता नामावली कार्य जारी राखेको छ ।