प्रतिनिधिसभाले गत ६ साउनमा पारित गरेको विधेयक बिहीबार राष्ट्रियसभाबाट समेत पारित भएको हो । सत्तारुढ राजनीतिक दलका नेताहरुदेखि आम जनताका विरोधका श्वरहरु उठिरहेकाबेला संघीय संसदको दुवै सदनले विधेयक पारित गरेको छ ।
राष्ट्रियसभामा बिहीबार भएको छलफलपछि गृहमन्त्री बालकृष्ण खाँणले सांसदहरूले उठाएको प्रश्नको जवाफ दिएपछि बहुमतले विधेयक पारित भएको छ । विधेयक प्रतिनिधि सभाले गत ६ साउनमा पारित गरिएको थियो ।
नागरिकता विधेयक पारितसँगै नेपालमा अब मुख्यतया नौवटा परिवर्तन आउने भएको छ । पहिलो, जन्मसिद्धका सन्तानले नागरिकता पाउनेछन् । विधेयकले जन्मका आधारमा नागरिकता पाएका (जन्मसिद्ध नागरिक)का सन्तानलाई नागरिकता प्राप्त गर्न बाटो खोल्ने व्यवस्था गरेको छ । २०४६ सालको चैत मसान्तभित्र नेपालमा जन्म भई नेपालमा स्थायी बसोबास गर्ने व्यक्तिलाई यसअघि जन्मका आधारमा नागरिकता दिइएको थियो ।
नेपालमा झन्डै १ लाख ७० हजार जनाले जन्मसिद्ध नागरिकता प्राप्त गरेका छन् । जन्मसिद्ध नागरिकका सन्तानलाई वंशज नागरिकता दिने व्यवस्था संविधानमा छ । तर, कानुन नभएकाले जन्मसिद्धका सन्तानले नागरिकता पाएका छैनन् ।
यसअघि देशैभर स्वस्फूर्त नागरिकहरु अमेरिकी सहयोग परियोजना (एमसीसी)को विरोधमा सडकमा उत्रिरहँदा सत्ता गठबन्धन दलहरुले १२ बँुदे ब्याख्यात्मक टिप्पणी अघि सारेर एमसीसी संसदबाट पारित गरेका थिए । जनताका विरोधकाबीच एकपछि अर्को गरी दलहरु मिलेर सदनबाट विवावित विषयहरु पारित गर्दै गइरहेका छन् ।