अहिले मधेश प्रदेश अन्तर्गतका सर्लाही, महोत्तरी, रौतहट लगायतका जिल्लामा सामान्य वर्षा भइरहेको छ। ती जिल्लामा बिहानैदेखि घाम लागेको छैन।
तर, मौसम पूर्वानुमान महाशाखाले बुधबार बिहान ६ बजे जारी गरेको मौसम सम्बन्धी बुलेटिनमा मधेश प्रदेशमा वर्षाको सम्भावना कहिँकतै उल्लेख छैन।
महाशाखाले जारी गरेको बुलेटिनमा आज सुदूरपश्चिम, कर्णाली, लुम्बिनी, गण्डकी र कोशी प्रदेश लगायत देशको पहाडी भूभागमा आंशिक देखि सामान्य बदली रही बाँकी भूभागमा मौसम सामान्यतया सफा रहने पूर्वानुमान गरिएको छ।
त्यस्तै सुदूरपश्चिम, कर्णाली, लुम्बिनी, गण्डकी र कोशी प्रदेशका एक दुई स्थानमा मेघगर्जन र चट्याङसहित हल्का वर्षाको सम्भावना रहेको महाशाखाले जनाएको छ।
मधेशका जिल्ला गएको दसैँयता पानी परेको छैन। पानी नपर्दा किसानले लगाएका बालिनाली चौपट भएको छ।
