मन्त्रालयको निर्णयअनुसार पाठ्यक्रम विकास केन्द्रले निजी मुद्रकलाई पाठ्यपुस्तक छपाइको प्रयोजनका लागि सूचीकृत हुन भन्दै केन्द्रले सूचना जारी गरेको हो । निजी मुद्रक तथा वितरकहरूले कक्षा १ देखि ५ सम्मका चार रङका पाठ्यपुस्तक र अन्य पाठ्यसामग्री छपाई गरी विक्री वितरण गर्नुपर्नेछ । केन्द्रले तयार पारेको प्रिन्ट रेडी कपी (पीआरसी)का आधारमा निजीले पाठ्यपुस्तक छाप्नुपर्नेछ ।
हरेक वर्ष पाठ्यपुस्तकको अभाव हुने समस्या समाधानका लागि निजीलाई पनि पाठ्यपुस्तक छपाईको जिम्मेवारी दिइएको मन्त्रालयले जनाएको छ ।गत कात्तिकमा कक्षा १–३ सम्मको छपाईको जिम्मा निजीलाई दिनेगरी प्रस्ताव केन्द्रले मन्त्रालयमा पठाएको थियो । तर, केन्द्रले कक्षा १–५ सम्मकै पाठ्यपुस्तकको छपाईको जिम्मा निजी क्षेत्रलाई दिने प्रस्ताव मन्त्रालयमा पठाएपछि मन्त्रालयले सो निर्णय गरेको हो । यसअघि ३ कक्षासम्मका पुस्तक छपाइका लागि निजी क्षेत्रलाई दिइएको थियो ।