कम्पनीले बजार मूल्य नियन्त्रणका लागि भन्दै हरेक वर्षको दसैँमा खसीबोका र च्याङ्ग्रा बिक्री गर्दै आएको छ। कम्पनीले माग धान्नभन्दा पनि बजार मूल्य नियन्त्रणका लागि विगतमाझैँ यसपटक पनि खसीबोका बिक्री गर्न लागेको हो। दसैँका बेला काठमाडौं उपत्यकामा खसीबोकाको ११ लाख किलोभन्दा बढी मासु खपत हुने अनुमान छ।
कम्पनीले खसी जिउँदो ६ सय ७० रुपैयाँ प्रतिकिलो, बोका जिउँदो ६ सय ७० रुपैयाँ प्रतिकिलो र च्याङ्ग्रा १२ सय ५० रुपैयाँ प्रतिकिलोमा बिक्री गरिरहेको हो। यो मूल्य कम्पनीले १० रुपैयाँ छुट दिएपछिको हो।