मेसीले मियामीसँग मौखिक सहमति गरेको समाचारमा जनाइएको छ । अर्जेन्टिनी राष्ट्रिय टोलीका कप्तानसमेत रहेका मेसीले सन् २०२१ मा पीएसजीसँग दुई वर्षका लागि सम्झौता गरेका थिए । पीएसजीसँग मेसीको सम्झौता यसै सिजन सकिएको हो ।
मेसीले पीएसजीका लागि सबै प्रतियोगितामा ७४ खेल खेल्दै ३२ गोल गरेका थिए । मेसीकै कप्तानीमा अर्जेन्टिनाले कतार विश्वकपको उपाधि पनि चुमेको थियो । पीएसजी छाडेपछि मेसी साउदी अरेबियाको ब्यवसायीक लिग वा पुनः बार्सिलोनामा आबद्ध हुने चर्चा पनि चलेको थियो ।
‘मैले युरोपेली लिग छाडेर मियामीमा आबद्ध हुने निर्णय लिएको छु,’ मेसीले सञ्चारकर्मीसँगको कुराकानीमा भनेका छन् ।
