Media Network

काभा महिला भलिबल आज नेपाल र भारत भिड्दै


खबरस्टोरी संवाददाता

१० जेष्ठ २०८०,बुधबार

काठमाडौं । नेपालमा जारी एनएससी काभा अन्तर्राष्ट्रिय महिला भलिबल प्रतियोगिता अन्तर्गत आज नेपालले भारतको सामना गर्दैछ । दुई टोलीबीचको खेल राष्ट्रिय खेलकुद परिषद्को कभर्ड हलमा दिउँसो ३ बजे शुरु हुनेछ।

नेपालले पहिलो खेलमा किर्गिस्तान र दोस्रो खेलमा बंगलादेशलाई सोझो सेटमा हराएको थियो । दुई खेल जितेर नेपाल समूह एबाट अन्तिम चारमा पुगिसकेको छ ।

भारत पनि दुई खेल जित्दै सेमिफाइनल पुगेको छ । नेपाल भारतलाई हराएर समूह विजेता बन्न चाहन्छ भने घरेलु टोलीलाई हराएर भारत समूह विजेता बन्ने योजनामा छ।यो समूहबाट बंगलादेश र किर्गिस्तान समूह चरणबाट बाहिरिसकेका छन्। यस्तै समूह बीबाट कजाकस्तान र उज्वेकिस्तानले अन्तिम चारमा स्थान बनाएका छन्।

बुधबार बंगलादेश र किर्गिस्तानबीच पनि प्रतिस्पर्धा हुनेछ।​ श्रीलंका र माल्दिभ्सबीच तथा उज्वेकिस्तान र कजाकस्तानबीच पनि प्रतिस्पर्धा हुनेछ।

Share:
Reaction :
ताजा समाचार
खेलकुद