बुटवल । रुपन्देहीको ओमसतिया–४ स्थित वसन्तपुरमा मध्यरातमा गोली चलेको छ । सिद्धार्थनगर नगरपालिका–१ बेलहिया घर भएका विकास गुरुङलाई गोली हानेपछि लुटेरा समूहले नजिकै रहेको सिद्धार्थ कटेज (ढावा पसल)बाट पैसा लुटेर भागेका छन् । अज्ञात समूहले चलाएको गोली लागेर ३१ वर्षका विकास गुरुङ घाइते भएको रुपन्देही प्रहरीले जनाएको छ ।
राति पौने १२ बजेतिर गुरुङलाई गोली हानी लुटेरा समूहले २५ हजार रुपैयाँ लुटपाट भएको बताइएको छ । गोली हान्नेहरू पल्सर मोटरसाइकलमा आएका थिए ।
घाइतेको युनिभर्सल मेडिकल कलेज भैरहवामा उपचार भइरहेको छ । घटनास्थल नेपाल भारत सिमानाबाट ७ सय मिटरको दुरीमा पर्छ ।