बाबा रामदेवको नेतृत्वमा रहेको पतञ्जली आयुर्वेदले सन् २०१९ मा रुची सोयालाई रिजोल्युसन प्रक्रियाअन्तर्गत ४ हजार ३५० करोड रुपैयाँमा किनेको थियो। यो कम्पनी यसअघि नै शेयर बजारमा सूचिकृत भइसकेको थियो । यस वर्ष कम्पनीको नाम रुची सोयाबाट परिवर्तन गरी पतञ्जली फुड्स राखिएको छ । पतञ्जली फुड्सको सेयर मूल्य हप्ता दिन र महिना महिना बढिरहेको छ ।
बजारमा पतञ्जली फुड्सको स्टक राम्रो रहेको छ । पछिल्लो एक महिनामा सेयरको मूल्य १२ दशमलव ८९ प्रतिशतले बढेको छ । त्यस्तै, पछिल्लो ६ महिनामा यसको मूल्य हेर्दा ५३ दशमलव ६६ प्रतिशतले वृद्धि भएको छ । यसले दुई वर्षमा १०५ प्रतिशत प्रतिफल दिएको छ ।
अब विगत पाँच वर्षमा यसबाट आएको प्रतिफललाई हेर्दा पतञ्जली फुड्सको शेयरले आफ्ना लगानीकर्तालाई ५ हजार ४ सय प्रतिशतभन्दा बढी प्रतिफल दिएको छ । सेप्टेम्बर २०२० सम्मको तीन वर्षमा यस शेयरको मूल्य बढेर रु ६१३ पुगेको छ । यसै क्रममा शुक्रबार यसको सेयर ५२ साताकै उच्च मूल्य १ हजार ३ सय ९८ पुगेको छ ।
