श्री कास्की मोर्डनाइज्ड एकेडेमीले प्रत्येक वर्ष विद्यार्थीहरुको स्वास्थ्यलाई ख्याल गरी युरिन, स्टुल, ब्लड, दन्त परीक्षण सम्बन्धी शिविर चलाउदै आएकोमा यो बर्ष पोखरा घारिपाटन स्थित हिमालयन आँखा अस्पतालको उपकरण तथा ६ जना प्राविधिक÷चिकित्सकको सहयोग र विद्यालयको व्यवस्थापनमा जेठ २२, २३, र २४ गते ३ दिने निशुल्क आँखा परीक्षण शिविर सञ्चालन गरिएको कुरा विद्यालयका सह प्राचार्य शिवलाल उपाध्यायले बताउनु भयो । उक्त कार्यक्रमको उद्घाटन गर्दै विद्यालयका संस्थापक प्राचार्य रामबहादुर मोचीले कतिपय आँखाका रोगहरुका बारेमा विद्यार्थीलाई पनि थाहा नहुने र अभिभावकलाई पनि ज्ञान नहुने तर यसले विद्यार्थीको सिकाइस्तरमा असर पर्ने हुँदा विद्यार्थीका लागि यस्ता स्वास्थ्य परिक्षण शिविर कार्यक्रम वर्षे पच्छे सञ्चालन गर्ने गरेको र विद्यालयले आगामी दिनहरुमा यस्ता अरु थप कार्यक्रम पनि निरन्तर सञ्चालन गर्दै जाने कुरा बताउनुभयो ।
तीन दिने आँखा शिविरमा कक्षा नर्सरी देखि कक्षा १० सम्मका सबै विद्यार्थी, विद्यालयमा कार्यरत शिक्षक कर्मचारी गरी लगभग १८ सय जनाले आँखा परीक्षण गराए । त्यसका साथै विद्यार्थीलाई आवश्यक सल्लाह सुझाव दिने कार्य र समस्यारत विद्यार्थीको हकमा फोन मार्फत वा भेटेर अभिभावकलाई नै खवर दिने गरेको कुरा विद्यालयमा कार्यरत स्टाफ नर्स रश्मी गुरुङ्गले बताउनुभयो ।
