श्रीलंकाको ग्रामीण क्षेत्रमा लोडसेडिङले स्वास्थ्यकर्मीलाई विरामीको घाउमा टाँका लगाउन समस्या हुनुका साथै अँध्यारोमा सर्पदंशको उपचार गर्न बाध्य पारिरहेको छ । स्थिति यति भयावह छ कि धेरै अस्पतालहरूले नियमित शल्यक्रियाहरू स्थगित गरेका छन् ।
प्रयोगशाला परीक्षणमा कमी आएको छ । चिकित्सक, नर्स र अन्य स्वास्थ्यकर्मीहरू औषधि र स्वास्थ्य सामाग्री अभावको विरोधमा सडकमा उत्रिन थालेका छन् । कतिपयले राष्ट्रपति गोटाबाया राजापाक्षेको राजीनामाको माग गर्दै सडकमा भइरहेका आन्दोलनलाई समर्थन गरेका छन् ।
‘श्रीलंकाको सबै अस्पतालहरू नस्ट हुने अवस्थामा छन’, सरकारी मेडिकल अफिसर्स एसोसिएसनका सचिव डा. सेनल फर्नान्डोले भने, ‘अबको दुई हप्तामा अवस्था बिग्रन्छ र अहिले नै कारबाही नगरे मानिस मर्न थाल्छन् ।’
बिरामीको औषधिकै अभावका कारण हुने मृत्युले ‘अस्पतालहरूमा दंगा’ हुन सक्ने चिकित्सकहरूले चेतावनी दिएका छन् ।
