ईपीएस प्रणालीमाको प्रावधानविपरीत उच्च अदालत पाटनले आदेश दिएपछि १८ जनाको आवेदन शुक्रबार नै लिइसकेको शाखाले बाँकीलाई आज सोमबारदेखि तीन दिन समय तोकेको छ ।शुक्रबार उच्च अदालत पाटनले पानीजहाज निर्माण क्षेत्रको परीक्षामा सामेल भएका परीक्षार्थीको रिटमा सुनुवाइ गर्दै यस्ता प्रकृतिका आवेदकहरुलाई नरोक्न र परीक्षा फारम भर्न दिन आदेश दिएको थियो ।
त्यही आदेश अनुसार उनीहरुले पनि आवेदन दिने व्यवस्था गर्न लागिएको हो । सन् २०२३ मा पानी जहाज निर्माण क्षेत्रमा फारम भरेका आवेदकहरुले मात्रै सोमबारदेखि बुधबारसम्म फारम भर्न सक्नेछन् ।त्यसबाहेककाले फारम भर्न नपाउने र यदि कसैले भरेमा रद्द हुने ईपीएस शाखाले जनाएको छ । यो तीन दिन उनीहरुका लागि अनलाइनबाटै आवेदन लिने व्यवस्था गरिएको छ ।
एचआरडी कोरियाले भने यसअघि नै पानी जहाज निर्माण क्षेत्रमा आवेदन दिएका परीक्षार्थीले यही वर्ष खुल्ने अन्य क्षेत्रको भाषा परीक्षामा सामेल हुन नपाउने जनाएको थियो ।
