नगर कार्यपालिकाको जेठ १० गतेको बैठकले नगरभित्रका सबै सामुदायिक विद्यालयमा कार्यरत शिक्षक तथा कर्मचारीहरूलाई दल त्याग गर्न लगाई एक साताभित्र नगरपालिकामा विवरण पेश गर्न निर्देशन दिने निर्णय गरेको हो। राजनीतिक दलको कार्यकारिणी पदमा रही कानून विपरीत काम गर्ने शिक्षक तथा कर्मचारीहरूको विवरण नगरपालिकामा पेश गर्न सम्बन्धित विद्यालयलाई नगरपालिकाले निर्देशन दिएको छ।
शिक्षा ऐन, २०२८ (संशोधन सहित) को दफा १६ (ङ) को उपदफा ५ को (छ) मा शिक्षक वा कर्मचरी राजनीतिक दलको कार्यकारिणी समितिको सदस्य रहेको पाइएमा पदबाट मुक्त गरिने व्यवस्था छ।
