काठमाडौंबाट ६८ यात्रु र चालकदलका चार सदस्य लिएर पोखराका लागि उडेको विमान धावनमार्गनजिकै सेती नदीको खोँचमा खसेको थियो।मंगलबार साँझसम्म ७१ जनाको शव भेटिए पनि अझै एक जनाको शव भेटिएको छैन् ।
मंगलबार दिउँसो थप एक महिलाको शव भेटिएको छ । ‘बेपत्ता दुई जना मध्ये एक जना महिलाको शव भेटिएको हो। थप एक जनाको खोजी आज बिहानैबाट सुरू भएको छ ।
नदीको पानी घटाइएसँगै मंगलबार गोताखोरसहित ड्रोनको प्रयोग गरी शवको खोजी गर्दा सेती खोँच दुर्घटनास्थलभन्दा करिब ७ सय मिटर तल पानीमा एक महिलाको शव भेटिएको थियो। दुर्घटनाको पहिलो दिन ६३ र दोस्रो दिन सोमबार ७ र मंगलबार १ जनाको गरी ७१ वटा शव फेला पारिएको प्रहरीले जनाएको छ। अब एकजनाको मात्र अवस्था अज्ञात रहेको छ ।
विमानमा चार जना चालक दलका सदस्य सहित ५३ जना नेपाली र बाँकी १५ जना विदेशी यात्रु थिए।
