प्रत्येक वर्ष भाद्र शुक्ल द्वादशीका दिनदेखि मनाइने यस पर्वमा देवराज इन्द्रको पूजाअर्चना, जीवितदेवी कुमारी, गणेश र भैरवको रथयात्रा एवं विभिन्न देवीदेवताको पूजा गरिन्छ ।
बुधबारदेखि यो वर्षको इन्द्रजात्रा विधिवत् रूपमा सुरु भएको थियो। हनुमानढोका दरबार परिसरमा इन्द्रध्वजासहितको लिङ्गो ठड्याइएसँगै यो वर्षको इन्द्रजात्रा सुरु भएको हो।
करिब ३२ हातको लिङ्गोमा इन्द्रध्वजा राखेर साँस्कृतिक बाजागाजा, ब्याण्डबाजा र पञ्चेबाजा बजाएर आज बिहान शुभ साइतमा लिङ्गो ठड्याइएको हो।
