मेयर साहले काठमाडौं महानगरपालिका–९ स्थित गैरीगाउँमा रहेको अन्नपूर्ण मतदान केन्द्रबाट भोट खसाएका थिए । उनले प्रतिनिधिसभाको प्रत्यक्ष र समानुपातिकतर्फ मतदान गरे । तर, प्रदेशसभातर्फ प्रत्यक्ष र समानुपातिक दुवैको मतपत्र उनले लिएनन् ।
मेयर साहले नेपालको संघीय प्रणालीप्रति सैद्धान्तिक असहमति जनाउँदै आएका छन् ।यसअघि राष्ट्रिय स्वतन्त्र पार्टीका अध्यक्ष रवि लामिछानेले पनि प्रदेश उम्मेदवारलाई भोट हालेका थिएनन् । उनले प्रदेशको मतपत्र लिए पनि भोट नहालीकन बाकसमा खसाएका थिए । लामिछानेले पनि अहिलेको संघीय संरचना ठिक नरहेको बताउँदै आएका छन् ।