काठमाडौं महानगर नगर प्रहरीका प्रहरी नायव उपरीक्षक पूर्णचन्द्र भट्टराईका अनुसार आज बिहानैबाट काठमाडौंदेखि फोहोर बोकेर गइरहेका गाडीलाई बञ्चरेडाँडाका स्थानीयले अवरोध गरेपछि बाटोमै गाडीको लाइन लागेको छ ।
महानगर क्षेत्रमा ७ दिनदेखि थुप्रिएको फोहोर बोकेर करिब ६० गाडी गए पनि स्थानीयले रोकेका कारण फोहोर बञ्चरेडाँडा पुग्न नसकेको भट्टाराईले जानकारी दिए ।
सिसडोलबाट बञ्चरेडाँडासम्म जाने सडक मर्मतको काम गर्नुपर्ने भएकाले एक हप्ता उपत्यकाको फोहर उठ्न नसकेको महानगरको भनाइ थियो ।
स्थानीयवासिन्दाले फोहोर बोकेको गाडी रोकेपछि एक सातापछि उठ्न सूरु भएको फोहोर फेरि उठ्नेमा शंका उत्पन्न भएको छ ।
त्यहाँका स्थानीयवासीले सडक पूर्ण रुपले निर्माण नहुँदासम्म फोहोर नल्याउन आग्रह गरेका छन् ।