प्रदेशका अर्थमन्त्रीसमेत रहेका बराल युवा तथा साना व्यवसायी स्वरोजगार कोषको कालोसूचीमा रहेको भन्दै उम्मेदवारी खारेजीको माग गरिएको हो ।
बराल कालोसूचीमै रहेका बेला उम्मेदवार बन्न योग्य रहेको भन्दै झूटो विवरण दिएको र अझै कालोसूचीमा रहेकाले उम्मेदवार बन्न नपाउने उजुरीमा उल्लेख छ । मुख्य निर्वाचन अधिकृतको कार्यालय, कास्की ३ मार्फत कास्कीकोट निवासी बोधराज सुवेदीले उजुरी दिएका हुन् ।
बराल संलग्न रहेको गण्डकी माछापुच्छ्रे सहकारी संस्थालाई युवा तथा साना व्यवसायी स्वरोजगार कोषले ५० लाख रूपैयाँ कर्जा दिएको थियो जुन २०७३ सालसम्म बुझाउनुपर्ने थियो । सो रकम नबुझाएको भन्दै मन्त्री बरालसहित १५ जनालाई कालोसूचीमा राख्दै ७ दिनभित्र रकम बुझाउन अल्टिमेटमसहित खातामा दाखिल गर्न पत्र काटिएको थियो ।२०७६ साल १० माघमा कालासूचीमा राखिएको पत्रमा उल्लेख भएअनुसार बराल रहेको संस्थाले ३८ लाख २४ हजार रूपैयाँ तिर्न बाँकी छ ।
