नक्सा पासविनाका संरचना हटाउने अभियान अन्तर्गत महानगरले अस्पतालको संरचनामा डोजर चलाएको हो । पर्खालसँग जोडेर टहरा बनाई अस्पतालले भाडा लगाउँदै आएको थियो । भाडामा सञ्चालनमा रहेका होटलहरुले फोहोर गरेको, सुर्ती तथा मदिरा बेचेको भन्दै गुनासोसमेत भएको थियो ।
नक्सा पास गर्न आउन पटक–पटक ताकेता गर्दा पनि अटेर गरेपछि अनधिकृत संरचना हटाएको मेयर नागेश कोइरालाले बताए । पर्खालमा जोडेर बनाएका सटरको नक्सा पास नभएको र महानगरलाई बहाल करसमेत अस्पतालले नबुझाएको उनले जानकारी दिए ।
विराटनगरलाई यथास्थितिमा राख्न नदिने मेयर कोइरालाको प्रतिबद्धतालाई कार्यान्वयनका लागि आफूहरूले योजनाबद्ध रुपमा काम गरिरहेको प्रमुख प्रशासकीय अधिकृत विष्णुप्रसाद कोइराला बताउँछन् ।