यातायात मजदुरहरुले ट्राफिक प्रहरीले लिने जरिवाना लगायतको विरोध गर्दै सोमबार दिउँसो काठमाडौंको बालाजु माछापोखरी र गोंगबु नयाँ बसपार्क अगाडि विरोध प्रदर्शन गरेका थिए । उक्त प्रदर्शन अनियन्त्रित हुँदा प्रहरी भ्यान र प्रहरी बिटमा आगजनी भएको थियो । साथै बेलुकीपख मानिसहरुको भिडले नयाँबसपार्क क्षेत्रभित्र रहेको ल्होत्से मलमा तोडफोड गर्दै मोबाइल पसलमा लुटपाट गरेको थियो ।
नेपाल मोबाइल व्यवसायी महासंघका अध्यक्ष भरत भट्टराईले लुटपाट र तोडफोडबाट ८ देखि १० करोड रुपैयाँ बराबरको क्षति भएको बताएका छन्।