लास्कु खोलामा बाढी आउने क्रम नरोकिएकोले दार्चुलाको बंगाबगड क्षेत्रमा फेरि कटान सुरुभएको हो । बंगाबगडका केही घरहरु जोखिममा रहेको स्थानीय जानकारी दिए ।
नदीको कटान रोक्नका लागि अस्थाइ तटबन्धको व्यवस्थापनका विषयमा छलफल भइरहेको र जोखिमपूर्ण क्षेत्रमा नजान नागरिकलाई अनुरोध गरिएको प्रमुख जिल्ला अधिकारी दीर्घराज उपाध्यायले बताए ।
शुक्रबार रातीको अविरल वर्षाले महाकाली र लास्कुखोलामा आएको बाढीका कारण पाँच जनाको मृत्यु भएको थियो । बाढी पहिरोबाट बेपत्ता भएका १० जना अझै भेटिएका छैनन् ।