नवलपुरकाे बुलिङटारमा बस दुर्घटनाः पाँच जनाको मृत्यु, ३० घाइते

१३ कार्तिक २०७९,आईतवार

नवलपुर । नवलपरासी पूर्वको पहाडी गाउँ बुलिङटारमा आइतबार विहान बस दुर्घटना हुँदा पाँच जनाको घटनास्थलमा नै मृत्यु भएको छ । घटनामा अन्य ३० यात्रु घाइते भएका छन् ।

मनकामना दर्शनको लागि भन्दै पाल्पाको रम्भा गाउँपालिकाको हुँगीबाट कच्चीमार्ग भएर आउँदै गरेको ना ६ ख ७५८० नम्बरको बस बुलिङ्गटार–२, डाडाझेरीको मथारमा बिहान ४ बजे दुर्घटनामा परेको जिल्ला प्रहरी कार्यालय नवलपुरले जनाएको छ ।

दुर्घटनामा परी पाल्पाको रम्भा गाउँपालिका १ निवासी ४१ बर्षीया तारा विक, १७ बर्षीय विनय विक, ६२ बर्षीय धनी विक, ५८ बर्षीया देवी गाहा र स्याङ्जाको गल्याङ १ बेलचौर निवासी ४५ बर्षीया फूलमाया माझीको घटनास्थलमै मृत्यु भएको जिल्ला प्रहरी कार्यालय नवलपुरका प्रहरी नायव उपरीक्षक सन्तोष पाठकले बताए ।

बस कालीगण्डकी कोरीडोरको सडकबाट एक ससय मिटर तल खसेको छ । घाइतेहरूको बुलिङटारबाट खटिएको प्रहरी टोलीले उद्धार गरी उपचारको लागि भरतपुर पठाएको छ ।

दुर्घटनामा परि घाइते भएकाहरुको नामावली ः

१) बस चालक; जिल्ला पाल्पा रामपुर न.पा.३ गण्डकी ढिक बस्ने वर्ष २९को दिल कुमार श्रेष्ठ ।

२) बस सहचालक;ऐ,ऐ ४ बेझाड बस्ने वर्ष २४ को साजन श्रेष्ठ ।

३) ऐ, बसमा सवार ऐ,रम्भा गा.पा.१ बस्ने वर्ष ४ को अंकित सुनार ।

४) ऐ,बस्ने वर्ष १० को कृष्ण केवट ।

५) ऐ,१ बस्ने वर्ष १८ को प्रविण सुनार टाउको चोट मध्यम ।

६) ऐ,ऐ बस्ने वर्ष २०को राम ब.बि.क.टाउकोमा चोट गम्भिर ।

७) ऐ,१ बस्ने वर्ष २१ को रिता बि.क. ।

८) ऐ,ऐ,बस्ने वर्ष २५ को कासीराम बि.क. ।

९) ऐ,ऐ बस्ने वर्ष २० को बिशाल बि.क.

१०) ऐ,ऐ बस्ने वर्ष १ की आइसा बि.क. ।