ट्राफिक कार्यालय सरेपनि त्यहाँ रहेको संरचना हटाउन महानगरपालिकाले डोजर चलाएको हो । पोखराको सुन्दरतालाई मध्यनजर गर्दै जीर्ण अवस्थामा रहेको पुरानो ट्राफिक कार्यालय (गोलघर) भत्काउन थालिएको पोखरा ९ का वडाध्यक्ष दीपेन्द्र मरासिनीले बताए ।
उक्त ठाउँमा ‘पोखरा घर’ बनाउने योजनाका साथ भवन भत्काउन सुरु गरेको हो ।‘२ वर्षभित्र बनाइसक्ने योजनासहित अगाडि बढेको महानगरले त्यहाँ रहेको पुरानो ट्राफिक कार्यालयको भवन भत्काउन कम्तीमा १५ दिन लाग्नेछ ।
पोखरा घर बनाउनका लागि चालु आर्थिक वर्षमा महानगरले २ करोड रुपैयाँ रकम विनियोजन गरेको छ ।