देउवाले गैरसरकारी संघसंस्थालाई उत्तरदायी, पारदर्शी र परिणाममुखी बनाउनुपर्नेमा जोड दिएका छन् ।उनले राष्ट्रिय आवश्यक्ता र प्राथमिकताका क्षेत्रमा संलग्न गराउने गरी गैरसरकारी संघस्थालाई उत्तरदायी, पारदर्शी र परिणाममुखी बनाउनुपर्ने बताएका हुन् ।
सामाजिक सेवामार्फत पछि परेका उत्पीडित असाहय वर्ग र समुदायलाई विकासको मूल प्रवाहमा ल्याउन सकिने भन्दै देउवाले यसले समाजमा ठूलो रुपान्तरण ल्याउन सकिने बताए । प्रधानमन्त्री देउवाले दिगो विकास र आवधिक लक्ष्य प्राप्तिका लागि सरकार गैरसरकारी संघसंस्थासँग समन्वयात्मक ढंगले काम गर्न आवश्यक रहेको बताए । सामाजिक संस्थाको लगानी र भूमिकालाई व्यवस्थित र पारदर्शी बनाउँदै प्राथमिकताका क्षेत्रमा सक्रियतापूर्वक परिचालन गरिनुपर्नेमा उनको जोड छ ।
कार्यक्रममा महिला बालबालिका तथा ज्येष्ठ नागरिकमन्त्री उमा रेग्मीले नेपालको आर्थिक, सामाजिक विकासमा सामाजिक संस्थाहरूको महत्वपूर्ण भूमिका रहेको बताइन् ।
सामाजिक सेवा दिवसका उपलक्षमा समाज कल्याण परिषद्ले मूल समारोह आयोजना गरेको हो ।