यस क्षेत्रमा पछिल्लो तीनदेखि छ घण्टा ठूलो वर्षा मापन गरिएको जल तथा मौसम विज्ञान विभागले जनाएको छ । भारी वर्षा भएको सिन्धुपाल्चोकको मेलम्ची, बलेफी र अन्य साना खोलामा आकस्मिक बाढीको चेतावनी विभागले दिएको छ ।
बाढी पुर्वानुमान महाशाखाले कमजोर भिरालो जमिनमा पहिरोको जोखिम हुन सक्ने भन्दै उच्च सतर्कता अपनाउन सो क्षेत्रका बासिन्दालाई आग्रह गरेको छ ।
त्यस्तै, मेलम्ची नगरपालिका–२ निबु गाउँमा शुक्रबार राति पहिरो गएको छ । पहिरोले भोटेचौर–काउले सडक अवरुद्ध भएको छ ।
