शुक्रबार चुनावी सुरक्षाबारे जानकारी दिँदै गृहसचिव विनोद सिंहले सो पार्टीका नेता तथा कार्यकर्तामाथि सरकारले निगरानी बढाएको बताए । उनले चुनावी वातावरण विथोल्न कुनै पनि हालतमा नदिइने बताए । उनले मतदाताले ढुक्क भएर मतदान केन्द्रसम्म आएर मतदान गर्ने वातावरण बनाइएको बताए ।
पत्रकार सम्मेलनमा सचिव सिंहले बम डिस्पोजलका लागि देशभर ९०३ वटा सेनाको बम डिस्पोजल टोली परिचालन भएको जानकारी दिए । उनले निर्वाचन अधिकृतबाहेक सुरक्षाकर्मी बसेको गाडीमा पनि मतपेटिका बोक्न नपाइने बताए ।