नेकपा एकीकृत समाजवादीबाट मन्त्रिमण्डलमा दुईजना राज्यमन्त्री थपिएका छन् ।प्रदेशका मुख्यमन्त्री त्रिलोचन भट्टले भौतिक पूर्वाधार राज्यमन्त्रीमा सुशीला बुढाथोकी र आर्थिक मामिला तथा योजना राज्यमन्त्रीमा बलबहादुर सोडारीलाई नियुक्त गरेका हुन्।
राज्यमन्त्रीमा नियुक्त बुढाथोकी र सोडारीले शुक्रबारै पद तथा गोपनीयताको शपथ पनि लिएका छन्।
यसअघि आर्थिक मामिला तथा योजना राज्यमन्त्री रहेका अम्मर साउँदलाई फिर्ता बोलाएर उनको ठाउँमा एकीकृत समाजवादीले सोडारीलाई पठाएको हो।
यस्तै, एकीकृत समाजवादी छोडेर एमाले प्रवेश गरेपछि कुलवीर चौधरी भौतिक पूर्वाधार राज्यमन्त्रीबाट बर्खास्तीसँगै रिक्त रहेको थियो। उनको ठाउँमा एकीकृत समाजवादीबाटै बुढाथोकीलाई मन्त्रिमण्डलमा समेटिएको छ।