प्रदेशसभा सचिवालयले मातृभाषामा पनि पद तथा गोपनीयताको शपथ ग्रहण गराउने व्यवस्था गरेअनुसार ६ जनाले मातृभाषामा शपथ लिन नाम टिपाएका छन् ।
नागरिक उन्मुक्तिका प्रत्यक्ष निर्वाचित ५ जना र नेपाली कांग्रेसकी समानुपातिक सांसद एकजनाले मातृभाषामा शपथग्रहण गर्न नाम टिपाएको सचिवालयले जनाएको छ ।
सुदूरपश्चिममा कांग्रेसका १९, माओवादी केन्द्रका ११, एमालेका १०, नागरिक उन्मुक्ति पार्टीका ७, नेकपा एसका ४, राप्रपाका १ र स्वतन्त्र १ गरी ५३ सांसद छन् ।