प्रधानमन्त्री तथा कांग्रेस सभापति शेरबहादुर देउवाविरुद्ध स्वतन्त्र उम्मेदवारी दिएका ढकालले बिहीबार राति एक भिडिओ सन्देश जारी गर्दै जनताका नाममा तीन दिन ब्रत बस्ने घोषणा गरेका हुन् ।
‘अब भोलिबाट सुरु गरेर तीन दिन व्रत बस्दैछु । भोलि र पर्सि मौनअवधि भयो। निकोपर्सि चुनावको दिन । यो तीन दिन हजुरहरूको नामा निराहार फलफूल, खाना केही नखाएर व्रत बस्छु,’ उनले भनेका छन्, ‘केही लक्ष्यका साथ भोकै बस्छु भन्ने प्रण गरेको छु।’
सागरले व्रत बस्नुमा धार्मिक र वैज्ञानिक कारण भएको बताएका छन् । डडेल्धुराका जनताहरूलाई मंसिर ४ गते राम्रोसँग मतदान गरिदिन आग्रहसमेत गरेका छन् ।
गुल्मीका इन्जिनियर सागर प्रधानमन्त्री शेरबहादुर देउवासँग चुनाव लड्न डडेल्धुरा आएका हुन् । डडेल्धुरामा देउवा, सागर र नेपाली कांग्रेस (विपी) का कर्ण मल्ल र स्वतन्त्र उम्मेदवार विक्रम शाहीबीच प्रतिस्पर्धा हुँदैछ ।
