काठमाडौं । काठमाडौंबाट आइतबार धनगढी उडेको श्रीएयरलाइन्सको जहाजमा समस्या देखिएपछि पुनः काठमाडौं नै फर्किएको छ ।त्रिभुवन अन्तर्राष्ट्रिय विमानस्थलका प्रवक्ता टेननाथ सिटौलाले बिहान ७ः५० मा उडेको श्रीको जहाज ८ः२० मा पुनः त्रिभुवन विमानस्थलमा फर्काएर ल्याण्ड गरिएको बताए ।
उनले जहाजमा प्रेसराइजेसनको समस्या देखिएपछि काठमाडौंमै फिर्ता भएको बताएका छन् ।
जहाजमै केही समस्या हो वा कुनै त्रुटिले भएको हो भन्ने विषयमा अध्ययन हुने उनले बताए । जहाजमा ७९ जना यात्रु थिए ।