काठमाडौँ।सम्माननीय उपराष्ट्रपति नन्दबहादुर पुन ‘पासाङ’ ले आज (बुधबार) विहान डोटीको पूर्वीचौकी गाउँपालिका–३, गैरिगाउँलाई केन्द्रबिन्दु बनाइ गएको भूकम्पबाट भएको मानवीय र भौतिक क्षतिप्रति गहिरो दुःख व्यक्त गरेका छन् । उनले भूकम्पले घर भत्कदा निधन हुनुभएकाहरुप्रति श्रद्धाञ्जी अर्पण गर्दै शोकाकुल परिवारजनमा गहिरो समवेदना व्यक्त गरेका छन् । घाइतेहरुको शीघ्र स्वास्थ्यलाभको कामना गरेका छन् ।
उपराष्ट्रपतिले भूकम्पमा परी घाइते भएकाहरुको उपचार तथा घर भत्किएर विस्थापित भएकाहरुका लागि उचित बबोबास र खाद्यान्न व्यवस्था गर्न सरकारको ध्यानाकर्षण गराएका छन् । उनले भूकम्प लगायत सम्भावित प्राकृतिक विपत्बाट बच्न तथा कम क्षतिका लागि पूर्व तयारीमा ध्यान दिनसमेत ध्यानाकर्षण गराएका छन् ।
