सुनसरी सदरमुकाम इनरुवासहित तीन स्थानीय तहले विद्यालयमा बिदा दिएका छन् ।
इनरुवा नगरपालिकाले बिहीबारदेखि २४ गते बुधबारसम्मका लागि र भोक्राहा नरसिंह गाउँपालिकाले १८ गतेदेखि २३ गते मंगलबारसम्मका लागि बिदा दिएको हो ।
इटहरी उपमहानगरले आज र भोलि बिदा दिने निर्णय गरेको छ ।
यस्तै विराटनगर उपमहानगरपालिकाकाले गर्मीले स्वास्थ्यमा प्रतिकूल असर पर्ने सम्भावना बढेको भन्दै आज र भोलि महानगरपालिका क्षेत्रका सबै सार्वजनिक तथा संस्थागत विद्यालयमा बिदा दिएको छ ।
