तीजको दिन पनि भएका कारण परीक्षार्थीलाई पनि समस्या हुने प्रतिक्रिया आएपछि मंगलबार दिउँँसो साढे २ बजे बोर्डले परीक्षाफल आजलाई स्थगित गरिएको भन्दै सबै सदस्यलाई म्यासेज पठाएको थियो ।
सोमबार राती सबै प्रक्रिया पूरा गरेर मंगलबार परीक्षाफल प्रकाशित गर्ने गरी बोर्डका कर्मचारीलाई बिदा दिइएको थियो । सबैजसो सञ्चारमाध्यमले मंगलबार परीक्षाफल प्रकाशित हुने भन्दै समाचार सम्प्रेषण गरेका थिए । नेपाल टेलिकमले समेत दुईपटकसम्म नतिजा हेर्न सकिने विधिका बारेमा मोबाइलमा सन्देशसमेत पठाएको थियो ।