पहिलो चरणमा नेविसंघले आफ्नै पार्टी नेपाली कांग्रेसलाई विधेयकबारेको धारणा पेश गरेको छ । कांग्रेस संसदीय दलका प्रमुख सचेत रमेश लेखकको उपस्थितिमा महामन्त्री गगनकुमार थापालाई बुझाएको हो ।
विधेयकको विषयमा नेविसंघले आफ्नो धारणा तयार पारेको छ । उक्त धारणा आज सार्वजनिक गर्न लागेको छ । सोही आधारमा आफ्नो पार्टीसहित अन्य राजनीतिक दलहरूलाई समेत धारणाबारे अवगत गराउने कार्यक्रम रहेको नेविसंघले जनाएको छ । तयार पारेको धारणा नेकपा एमाले, माओवादी केन्द्र, राष्ट्रिय स्वतन्त्र पार्टी लगायतका राजनीतिक दलहरूलाई समेत बुझाउनेछ ।
आफ्ना विद्यार्थी नेता तथा कार्यकर्ताहरूबाट आएको सुझावको आधारमा नेविसंघले विधेयकबारे धारणा तय गरेको हो ।