मंगलबार च्याम्पियन्स लिगमा म्यानचेस्टर सिटीसँग पराजित भएपछि आफ्नै सहकर्मी लिरोय सानेमाथि हातपात गरेपछि निलम्बनमा रहेका साडियो माने बिना नै बायर्न मैदानमा उत्रेको थियो । बायर्नले खेलको १७ औँ मिनेटमा बेन्जामिन पाभार्डको गोलमा अग्रता लिएको थियो ।
दोस्रो हाफको सुरुवातमा नै होफेनहाइमले दुईवटा गोलको अवसर गुमाएको थियो । तर, ७१ औँ मिनेटमा आन्द्रेज क्रामारिचले फ्रिककमार्फत गोल गर्दै खेल बराबरी गरेका थिए । लगत्तै पाभार्डले गोल गरे पनि उक्त गोल अफसाइड करार गर्दै रद्द गरिएको थियो ।
बायर्नको ५९ अंक रहेको छ । शनिबार नै भीएफबी स्टुटगार्टसँग ३–३ को बराबरी खेलेको बोरुसिया डर्टमण्ड लिगको दोस्रो स्थानमा रहेको छ ।
