घरेलु मैदान स्टाम्फोर्ड ब्रिजमा रहिम स्टर्लिङले ४३औं मिनेटमा गोल गर्दै चेल्सीलाई अग्रता दिलाएका थिए । ५३औं मिनेटमा काइ हार्भाटेजले पेनाल्टीमा गोल गर्दै चेल्सीको अग्रता दोब्बर पारे ।
यसअघिको पहिलो लेगमा डर्टमण्डले चेल्सीलाई १-० ले हराएको थियो ।
विश्वकपपछि डर्टमण्डले बेहोरेको यो पहिलो हार हो । यसअघि डर्टमण्डले लगातार १० खेलमा जित हासिल गरेको थियो ।
बुधबार राति नै भएको अर्को खेलमा क्लब ब्रुगलाई ५-१ ले पराजित गर्दै बेन्फिकाले पनि अन्तिम आठमा स्थान पक्का गर्यो । यो जितसंगै समग्रमा ७-१ को जित निकाल्दै बेन्फिकाले क्वार्टरफाइनलमा प्रवेश गरेको हो ।