नेपालले दिएको २३१ रनको लक्ष्य पछ्याएको केन्याले ४६.३ ओभर खेल्दै अलआउट भएको थियो । केन्याले राखेप पटेलको ८४ रनको योगदानमा २१४ रन बनाउन सकेको हो ।रोहितकुमार पौडेलको कप्तानीमा रहेको नेपालले ४९.२ ओभर खेल्दै २३० रन बनाएर अलआउट भएको थियो ।
नेपालका लागि कप्तान पौडेलले सर्वाधिक ७८ रन बनाए । यसैगरी देव खनालले ३७, सोमपाल कामीले २६ र ज्ञानेन्द्र मल्लले २५ रन बनाएका थिए ।बलिङतर्फ नेपालका लागि दिपेन्द्र सिंह ऐरीले ४ र सोमपाल कामीले ३ विकेट लिए । यस्तै, करण केसी, पावन सराफ र मोहम्मद आदिल अलामले समान १–१ विकेट लिए ।
