सेनाको प्राविधिकतर्फ उनले आइतबार क्याप्टेनको फुली लगाएका हुन् ।२०७१ सालमा सेकेन्ड लप्टनबाट नेपाली सेनामा सेवा सुरु गरेका उनी एक वर्षपछि लप्टन बनेका थिए । इन्फेन्ट्रीबाट सेवा सुरु गरेको उनको ब्याचबाट धेरै जना २०७५ सालमै क्याप्टेन बनेका थिए ।
तर सेवा परिवर्तन गर्दै प्राविधिकतर्फ लागेपछि भरतको क्याप्टेन बन्ने समय लम्बिएको थियो । उनी सैनिक बायु सेवाअन्तर्गत फ्लाइट डिस्प्याचर हेर्छन् । यसमा फूल कर्नेलसम्मको दरबन्दी रहेको छ ।भरत नेपाली सेनाको त्रिभुवन आर्मी क्लबका कप्तान पनि हुन् ।