एक खेलमा पराजित हुँदा टेनिस खेलकै महान् खेलाडी सेरेनाको करिअरमा नै धक्का पुग्नेछ । जसका कारण २२ हजार दर्शकहरु यतिबेला बडो उत्सुकताका साथ उनको खेल हेरिरहेका छन् ।
सेरेनाको यो खेलसँगै अर्को पक्ष उत्तिकै रोचक लाग्दो छ ।
त्यो हो, उनले लगाएको हिराको जुत्ता । जसमा स–साना चार सय वटा हिराका टुक्रा जडित छन् । २३ पटक ग्रान्डस्लाम च्याम्पियन सेरेनाले पहिलो चरणमा हिराजडित जुत्ता लगाएकी थिइन् । जसका कारण खेलभन्दा पनि जुत्ताको चर्चा अहिले चुलिएको छ । सेरेनाले भाइरल बनेको जुत्ता नाइकको लगाएकी थिइन् ।
यसअघि, उनी आफ्नै डिजाइनको ड्रेसमा उत्रिँदा चर्चामा आएकी थिइन । उनकी पाँच वर्षीया छोरी ओलम्पियाले समेत आमाको जस्तै पहिरन लगाएको दृश्य ‘भाइरल’ बनेको थियो । यूएस ओपन महिला पहिलो चरणमा सेरेनाले मोन्टेनिग्रोलाई ६–३ र ६–३ को सोझो सेटमा हराएकी थिइन् । उनको खेल हेर्न अमेरिकाका पूर्वराष्ट्रपति बिल क्लिन्टन, मार्टिना नवरातिलोभा, माइक टाइसन पनि पुगेका थिए ।
