साँझ ५ बजे त्रिपुरेश्वरस्थित राखेपको कभर्डहलमा खेल हुनेछ । जारी प्रतियोगितामा सबैभन्दा बलियो मानिएको काजकिस्तान भलिबलको वरीयतामा एसियाको पाँचौ स्थानमा रहेको टीम हो । त्यसैले काजकिस्तानसँगको जित नेपाललाई सहज भने पक्कै छैन ।
समूह ए मा रहेको नेपालले तीन खेलमध्ये दुई खेलमा जित र एक खेलमा पराजित हुँदै समूह उपविजेताको रूपमा सेमिफाइनलमा स्थान बनाएको थियो । काजकिस्तान अपराजित रहँदै समूह बी को विजेताको रूपमा अन्तिम चारमा स्थान पक्का गरेको हो ।
पहिलो खेलमा कीर्गिस्तान र दोस्रो खेलमा बंगलादेशमाथि ३–० को सोझो सेटमा जित निकालेको नेपालले अन्तिम खेलमा भने भारतलाई ३–१ को सेटमा नतिजा सुम्पिएको थियो ।
यता काजकिस्तानले भने श्रीलंकालाई ३–० को सोझो सेटमा हराउँदा, माल्दिभ्स र उज्वेकिस्तानलाई ३–१ को सेटमा पराजित गरेको थियो।
आजै हुने पहिलो सेमिफाइनलमा समूह ए को विजेता भारत र समूह बी को उपविजेता उज्वेकिस्तानबीच प्रतिस्पर्धा हुनेछ ।