१ सय १६ रनको विजयी लक्ष्य पछ्याएको नेपाल १६ ओभर ५ बलको समाप्तीमा अलआउट हुँदै मात्र ८८ रन बनाउन सक्यो ।
नेपालका लागि सीता राना मगरले सर्वाधिक ४३ रन बनाए । इन्दु बर्मा १५ रन बनाएर पेभेलियन फर्किँदा अन्य खेलाडीले दोहोरो अंकको रन जोड्न सकेनन् । काजल श्रेष्ठले ९ रन, संगिता राई ४, इश्वरी विष्ट र पूजा महतो ३, ३ रन बनाउँदा अश्मिता कर्माचार्यले २ रन मात्र जोडिन् । रुविना क्षेत्र सून्य रनमै रन आउट भएकी थिइन् ।
यसअघि ब्याटिङ गरेको तान्जनियाका लागि आइसा मोहमदले २१ रनको योगदान गरिन् भने हुद्दा ओमारीले २५ रन बनाइन् । उनले २६ बलको सामना गरी दुई चौका हिर्काइन् ।
यो शृंखलामा नेपाल, तान्जिनिया र हङ्कङका अतिरिक्त चौथो टोलीका रुपमा जापान सहभागी छ । हालै मात्रै नेपाली टोलीको कप्तान बनाइएकी इन्दू बर्माको नेतृत्वमा नेपाली टिम पहिलो पटक अन्तर्राष्ट्रिय प्रतियोगिता खेलेको हो ।
नेपाल क्रिकेट संघ (क्यान) ले इन्दूको कप्तानीमा १४ सदस्यीय टोलीको घोषणा गरेको थियो । यसअघि राष्ट्रिय महिला टोलीको कप्तानको भूमिकामा रुविना क्षेत्री रहेकी थिइन् ।
