पोलार्डले वेस्ट इन्डिजका लागि १०१ टी–२० अन्तर्राष्ट्रिय खेलहरू खेलेका छन् । उनी सन् २०१२ को टी–२० विश्वकप विजेता टोलीका सदस्य रहेका थिए । सन् २०२१ को संस्करणमा उनी वेस्ट इन्डिजको टोलीको कप्तानसमेत रहेका थिए । उनले सन् २०२२ मा अन्तर्राष्ट्रिय क्रिकेटबाट संन्यास लिए पनि फ्रेन्चाइजी क्रिकेटमा सक्रिय रहेका छन् ।
पोलार्डको कप्तानीमा हालै न्युयोर्क स्ट्राइकर्सले अबुधाबी टी–१० लिग जितेको थियो भने ट्रिनबागो नाइट राइडर्स सीपीएलको फाइनलमा पुगेको थियो । उनी आईपीएलमा मुम्बईको ब्याटिङ प्रशिक्षक पनि रहेका छन् ।
इंग्ल्याण्ड टी–२० विश्वकपको साबिक विजेता हो । तर, टोलीले हालै भारतमा सम्पन्न एकदिवसीयमा विश्वकपमा खराब प्रदर्शन गरेको थियो । आफ्ना ९ मध्ये ६ खेलमा पराजित भएको इंग्ल्याण्ड बल्लतल्ल च्याम्पियन्स ट्रफीमा छनोट भएको थियो ।
