टोटनहमको जितमा र्यान सेसेग्नन, एरिक डायर र डेजन कुलुसेभिस्कीले एक–एक गोल गर्दा टिमले एक गोल भने साउथह्याम्पटनका मोहम्मेद सलिसुबाट आत्मघाती उपहार पाएको थियो ।
खेलमा अग्रता भने साउथह्याम्पटनले बनाएको थियो । १२औं मिनेटमा जे वार्ड प्रोसेले गोल गर्दै पाहुना टिमलाई अग्रता दिलाएका थिए । तर, यो अग्रता धेरैबेर टिक्न भने सकेन ।
२१औं मिनेटमा सेसेग्ननले गोल गर्दै टोटनहमलाई खेलमा फर्काएका थिए । यस्तै, ३१औं मिनेटमा डायरले दोस्रो गोल गर्दा टोटनहमले ६१औं मिनेटमा सलिसुबाट आत्मघाती गोल उपहार पाएको थियो । त्यसको दुई मिनेटछि कुलुसेभिस्कीले चौथो गोल गरेपछि टोटनहमले सहज जित निश्चित ग¥यो ।
यस्तै , शनिबार भएको खेलमा चेल्सीले महत्वपूर्ण तीन अंक जोड्ने क्रममा एभर्टनलाई १–० अन्तरले पराजित गर्यो । चेल्सीको जितमा जर्जिन्होले खेलको पहिलो हाफको अतिरिक्त समयमा पेनाल्टीमा गोल गरे ।
शनिवार राती भएको अर्को खेलमा लिभरपुल र फुलह्यामले २, २ गोलको बराबरी खेलेका छन् । फुलह्यामका एलेक्सान्दार मेट्रोभिकले दुवै गोल गरे । मेट्रोभिकले खेलको ३२ औं मिनेटमा पहिलो गोल गरे भने ७२ औं मिनेटमा पेनाल्टीमार्फत अर्को गोल थपे । लिभरपुलका डर्बिन नुनेजले खेलको ६४ औं मिनेटमा गोल गरे भने ८० औं मिनेटमा मोहम्मद सलाहले गोल गरी बराबरी तुल्याए ।
शनिबारै भएको अन्य खेलमा बर्नमाउथले एस्टन भिल्लालाई २–० ले, लिड्सले वुल्भ्सलाई २–१ ले र न्युकासल युनाइटेडले नटिङ्घम फरेस्टलाई २–० ले पराजित ग¥यो ।
