यसअघि समूह चरण अन्र्तगत अन्तिम खेलमा बंगलादेशसँग प्रतिस्पर्धा गरेको नेपाल १–१ गोलको बराबरीमा रोकिएको थियो । बंगलादेशसँग बराबरी खेलेपछि नेपाललाई फाइनल पुग्न भारतको नतिजा कुर्नुपर्ने अवस्था थियो ।
यदि भारतले माल्दिभ्स सँग हारेको भए नेपाल स्वतह फाइनल पुग्ने थियो । सुरुवाती दुई खेलमा लगातार दुई जित निकालेर फाइनल सम्भावना बनाएको नेपाललाई भारतसँगको खेल निकै महँगो सावित भयो । आफ्नो तेस्रो खेलमा नेपाल भारतसँग ८–० गोलको नतिजामा लज्जास्पद रुपमा पराजित भयो ।
भारतसँग पराजित भइसँगै नेपालको फाइनल यात्रा कठिन बनेको थियो । यु–२० अन्र्तगत आफ्नो पहिलो खेलमा नेपालले माल्दिभ्सलाई ४–० गोलको नतिजामा पराजित गरेको थियो ।
दोस्रो खेलमा श्रीलंकालाई ३–० गोलको नतिजामा हरायो । तेस्रो खेलमा भारतसँग ८–० गोलको नतिजामा पराजित भयो भने अन्तिम खेलमा बंगलादेशसँग अंक बाड्यो । बंगलादेश र भारतबीचको फाइनल खेल शुक्रबार हुनेछ ।