पुस ९ गतेदेखि २७ सम्म कीर्तिपुरस्थित त्रिवि क्रिकेट मैदानमा भएको लिगमा राष्ट्रिय टिमका अलराउन्डर आदील अन्सारी र कीर्तिमानी पूर्व क्रिकेटर महबुब आलमलाई पक्राउ गरेको भन्ने समाचार सार्वजनिक भएको केही मिनेटपछि नै शरदले फेसबुकमा ‘ओम नम सिवाय’ भन्दै स्ट्याटस पोस्ट गरेका छन् ।
सेभेन थ्री स्पोर्ट्स व्यवसायिक तथा रणनीतिक साझेदार र वानएक्सब्याट मुख्य प्रायोजक रहेको प्रतियोगितामा स्पट फिक्सिङ र अन्य अवैध कार्य भएको भन्दै सीआईबीले अनुसन्धान सुरु गरेको थियो । करिब दुई हप्ताको अनुसन्धानपछि सीआईबीले आज दुई क्रिकेटर स्पट फिक्सिङमा संलग्न रहेको भन्दै आदील र महबुबलाई पक्राउ गरेको हो ।