बुधबार भएको सेमिफाइनलमा न्युजिल्यान्डलाई ७० रनले हराउँदै भारत फाइनलमा प्रवेश गरेको छ । टस जितेर पहिले ब्याटिङ गरेको भारतले चार विकेट गुमाएर तीन सय ९७ रन बनाएको थियो । ३ सय ९८ रनको विशाल लक्ष्य पछ्याएको न्युजिल्यान्ड ४८ ओभर ५ बल खेल्दा ३ सय २७ रन बनाएर अलआउट भएको थियो ।
विहीबार दोस्रो सेमिफाइनलमा दक्षिण अफ्रिका र अस्ट्रेलिया भिड्दैछन् । भारतको कोलकोतास्थित इडेन गार्डेनमा हुने यो खेल नेपाली समय अनुसार दिउँसो २ः १५ बजेदेखि शुरु हुनेछ ।
यस विश्वकपको लिग चरणमा दक्षिण अफ्रीका समुह चरणमा दोस्रो हुदै सेमिफाइनलमा पुगेको हो । दक्षिण अफ्रिकाले ९ खेलमा ७ जित र २ हारसहित १४ अंक हासिल गर्दै दोस्रो स्थानमा रहेको थियो । त्यस्तै ९ खेल मध्ये ७ खेल जितेर १४ अंक हासिल नै हासिल गरेको अस्ट्रेलियाले रनरेटको आधारमा तेस्रो हुदै सेमिफाइनलमा पुगेको हो ।
सन् २०१५ मा विश्वकप जितेको अस्ट्रेलियाले सन् २०१९ को विश्वकपमा सेमिफाइनलमा हार बेहोरेको थियो । त्यस्तै दक्षिण अफ्रिका सन् २०१५ को विश्वकपपछि फेरि सेमिफाइनल खेल्दै छ ।
