उनीहरु दुवैले विगतमा यो प्रतियोगिता जित्न सकेका छैनन्। विश्वकपमा अर्जेन्टिना र क्रोएसिया तेस्रोपटक भिड्न लागेको हो। सन् १९९८ को विश्वकपमा यी दुई टोली पहिलोपटक भिडेका थिए।
समूहगत चरणको अन्तिम खेलमा अर्जेन्टिनाले १-० गोलको जित हात पारेको थियो। चार वर्षअघि रुसमा आयोजित विश्वकपमा पनि यी दुई टोली समूहगत चरणमा भिडेका थिए। समूहको आफ्नो दोस्रो खेलमा क्रोएसियासँग भिडेको अर्जेन्टिना ३-० गोलले पराजित भएको थियो।
सिनियर अन्तर्राष्ट्रिय फुटबलमा यी दुई टोली छेटौँपटक भिड्न लागेका हुन्। विगतमा भएका प्रतिस्पर्धामा दुवै टोलीले दुई दुई जित र एक बराबरीको नतिजा निकालेका थिए। सन् १९९४ मा भएको पहिलो प्रतिस्पर्धामा यी दुई टोलीबीच गोलरहित बराबरी भएको थियो।
