पछिल्लो समय खराब लयबाट गुज्रिएको युभेन्टसले घरेलु मैदानमा एन्जेल डी मारियाको गोलबाट २६औँ मिनेटमा अग्रता लिएको थियो । डी मारिया यसै सिजन पेरिस सेन्ट जर्मेन पीएसजीबाट युभेन्टसमा अनुबन्ध भएका हुन् । पहिलो हाफ सकिन दुई मिनेट बाँकी हुँदा डुसान भ्लाहोभिकले पेनाल्टीमा गोल गर्दै युभेन्टसको अग्रता दोब्बर बनाए ।
५१औँ मिनेटमा डी मारियाकै पासमा भ्लाहोभिकले अर्को गोल थपेपछि युभेन्टसले तीन अंक पक्का गरेको हो ।लगातार नौपटक इटालियन सिरी ‘ए’को उपाधि जितेको युभेन्टस पछिल्लो दुई सिजन उपाधिविहीन छ ।